Бангладеш Ислом Фонди (IFB) вакилининг шанба куни хабар қилишича, яқин келажакда Бангладеш жаҳон бозорига ҳалол маҳсулотлар экспортини бошлайди. Бу Малайзия Ислом Тараққиёти Департаментининг (IFB) ҳалол-сертификатлаш қўмитаси тарафидан тасдиқлаганидан сўнг мумкин бўлди.

«Бу – ажойиб янгилик, чунки биз Бангладешнинг ҳалол сертификатига эга бўлиш  борасида узоқ вақтдан бери иш олиб боряпмиз», - деди Бангладеш-Малайзия Савдо-саноат палатаси президенти, Сайид Муаззам Ҳусайн.

Унинг Reuters агентлигига маълум қилишича, Малайзиянинг Ислом Тараққиёти Департаменти (IFB) ҳалол-сертификатлаштириш ваколатли қўмиталарининг халқаро рўйхатига киритди. Бу ўз навбатида Бангладешга ҳалол озиқ-овқатларни  жаҳон бозорига чиқиш ҳуқуқини беради.
Умумжаҳон Ҳалол Форумининг (WHF) хабарига кура, ҳалол маҳсулотлари бозорининг жадал суръатларда ривожланаётганлиги эътироф этилмоқда. Бу бозор  умумий озиқ-овқат бозорининг тахминан 17 фоизини эгаллайди.

Бангладеш идораси давлат ташкилотининг раис ўринбосари Жалол Аҳмаднинг айтишича, Бангладеш ҳалол маҳсулотларни экспорт қилиб, хорижий валютада маълум бир миқдордаги пул маблағларга эга бўлиши мумкин. Ҳалол саноатининг Осиёдаги йирик ҳомийлари – Индонезия, Хитой, Ҳиндистон, Малайзия, Форс кўрфази бирлашган мамлакатларининг аъзоларидир (Бирлашган Араб Амирликлари, Баҳрайн, Саудия Арабистони, Омон, Қатар ва Қувайт).

Жалол: «Хориждан буюртма олиб юрган Бангладешдаги бешта компания, шу пайтгача, сертификатловчи ҳужжатларнинг етишмаслиги туфайли, экспорт билан боғлик ишларда қийинчиликларга дуч келишган» - деди.
Муаззам: «Баъзи бир компаниялар Малайзия импортчилари билан шартномаларни имзолаб бўлган» - деб қўшиб куйди.

halalfocus.net материалларига асосан.