Сингапур рейтинг агентлиги Mastercard-Crescent исломий (ҳалол) тамойилларга жавоб берадиган энг яхши туристик йўналишларни аниқлаб, Глобал мусулмон саёҳатлар индекси (GMTI) сўнгги маърузасини ишлаб чиқди.

Жакартада эълон қилинган ҳисоботда биринчи ўринга бирданига икки мамлакат – Индонезия ва Малайзия жойлаштирилди. Шуниси қизиқки, ўтган йили Индонезия иккинчи ўринда, Малайзиядан кейин жой олганди, бироқ бу йили ушбу мамлакатларнинг иккаласи ҳам 78 очкодан олди ва Crescent Rating бош директори Фазал Бахардин айтганидек, Индонезия ўзининг ҳалол туризм секторини «энг фаол» ривожлантиришга интилмоқда.
Бу икки мамлакатдан кейинги ўринни эгаллаган Туркия 2018 йил 69,1 очкодан бу йил 75 очкогача ўсишни қайд этди.
Ислом ҳамкорлик ташкилоти (ИҲТ) аъзолари орасида «кирувчи» ҳалол туризм манзиллари сифатида Туркия Саудия Арабистонидан кейин иккинчи ўринни эгаллади.
«Чиқувчи мусулмон сафарларининг 22%и биринчи ўнта йўналишга [ИҲТ мамлакатлари] тўғри келади. Жами мусулмонлар чиқувчи бозорининг 36%и ушбу ўн йўналишга тўғри келади», - деди Бахардин ва кўплаб мамлакатлар глобал туристик йўналишлар сифатида ўз позицияларини мустаҳкамлаш учун GMTI стандартларини қабул қилган.
Тўртинчи ўринни Саудия Арабистони, бешинчи ўринни эса БАА эгаллади.
GMTI ҳисоботи бутун дунё бўйича мусулмон туристлар учун 130 та манзилни баҳолаган. Рейтинг аниқлашда у тўртта асосий омил – очиқлик, алоқа, атроф-муҳит ва сервисдан келиб чиқиб баҳолаган.
Mastercard-CrescentRating баҳоларига кўра, ўтган йили бутун дунё бўйлаб 140 миллиондан ортиқ мусулмон сайёҳлари сафар уюштирган. Башоратларга кўра, 2026 йилга келиб уларнинг сони 230 миллион кишигача етади, бунда жаҳон туризм индустрияси сиҳасига 300 миллиард долларга яқин маблағ сарфланади.