Ҳалол ишлаб чиқариш соҳаси мутахассисларининг фикрларича: “Ҳалол бўлмаган хом ашёлардан олинадиган спирт ва ўзга моддаларни ҳалол маҳсулот ишлаб чиқаришда қўллаш ҳукми” ихтилофли масалалар сирасига киради. Зеро, бу борада уламолар орасида иттифоқ (тўхтамга келинган маълум бир қарор) йўқдир. Шу боис мутахассислар айнан ишлаб чиқарувчиларнинг ўзларини бундай қўшимча моддаларга доир чора топишга чақирмоқдалар.

Халқаро Исломий тадқиқотлар институти (IAIS) мудири Муҳаммад Ҳошим Камолий Куала-Лумпур шаҳрида бўлиб ўтган форумдаги нутқида бундай деди:

“Бу соҳада тадқиқот ўтказилиши лозим бўлган янги масалалар юзага келмоқда. Ҳамда, буларнинг аниқ таъриф ва тавсифлари шариатда билдирилмаганлиги боис ҳалол маҳсулот ишлаб чиқариш соҳасидаги янги вазиятлар, турли қўшимча моддалар, бўёқ ва ҳоказолар мазкур соҳада маълум бир қарорлар олишга, ечим қабул қилишга таъсир қилмоқда”.

Ўрни келганда изоҳ бериб ўтиш лозимки, симпозиум қатнашчилари ва ҳалол соҳа мутахассисларининг таъкидлашларича: асл масала – ҳалол маҳсулотлар ишлаб чиқаришда спиртнинг қўшилишида эмас, балки унинг ҳидини, таъмини ва маст қилувчи хусусиятларини йўқотувчи технологияларнинг номуносиблигидадир.

Энг ожиз банда таржимаси