“Al-Bawaaba”нинг хабар қилишича, Яқин Шарқнинг ҳалол маҳсулотлар ишлаб чиқарувчи йирик компанияларидан бўлмиш “Al-Halal Foods” (“Ҳалол озиқ-овқатлар”, БАА) Россия ва МДҲ бозорларига очилади. Яқинда мазкур компания вакиллари БАА тижорий иқтисодий делегацияси таркибида Россия ҳамда Озарбайжонга ташриф буюрган эди. Сафар натижасида компания бошлиғи Солиҳ Абдуллоҳ Лутаҳ собиқ иттифоқ ҳудудларида мазкур соҳадаги яхшигина ишларни амалга ошириш мумкинлига тўхталиб ўтди.

“Бу ерда 289 миллион нафар киши истиқомат қилади, деди у. – Уларнинг кўпчилиги, хоҳ мусулмон бўлсин, хоҳ ғайри дин бўлсин, барчалари ҳалол таомларнинг соғлом турмуш тарзи учун керакли эканини биладилар ва қизиқадилар. Россиянинг ўзида мусулмонлар тахминан 20 фоизни ташкил этади. Бу дегани – таҳминан 40 миллион одам дегани. Шунинг билан биргаликда, ҳалол стандартларга мос келадиган маҳсулотлар бу давлатнинг ўзида йилига 65 миллион тоннани ташкил қилади. Бу маҳсулотлар асосан чорвадор ва фермерлар томонидан, ёҳуд кичик ҳажмларда гўштни қайта ишлаш билан шуғулланувчи корхоналар томонидан етказилиб турилади”.

Солиҳ Абдуллоҳ Лутаҳ шуни ҳам илова қилдики:
Мазкур компаниянинг Россия ва МДҲ давлатлари бозорига чиқиши режалари “БАА мамлакатининг Жаҳон Ислом иқтисоди марказига айланиши” лойиҳасига ҳам тўлиқ мос келади.

Энг ожиз банда таржимаси