Шариат қонун-қоидалари бўйича иш олиб борадиган мазкур шифохона Қозоғистоннинг Олмати шаҳрида очилди.

Бошқа касалхоналардан фарқланиб турадиган асосий жиҳати – бу ердаги барча дори-дармонлар мусулмон давлатларидан келтирилади.
Бу – Қозоғистондаги дастлабки ҳалол шифохона. Очилганига ҳали кўп вақт бўлмаса ҳам кўпчиликнинг кўнглидан чиққан. Бундан ташқари, эркаклар ва аёлларга алоҳида-алоҳида ҳизмат кўрсатилади. Эмизикли боласи борларга ҳам бўлак-бўлак хоналар мавжуд.
Клиника раҳбариятининг айтишича, бундай шифохонанинг очилишига диний ҳаёт кечирадиган ерли аҳоли вакииларидан келган илтимослар сабаб бўлибди.
Ғалия Ўсмон – даволаш масканининг бош шифокори:
“Ҳозирда биз ҳалол-сертификация компанияси билан ўзаро шартнома имзоладик. Мазкур компанияга ташриф буюрган мусулмонлар жамоаси шариат талабларига жавоб бера оладиган шифохона бўлишини хоҳлашган. Шунинг учун, аёл беморларни аёл шифокорлар, эркак кишиларни эса эркак шифокорлар қабул қилиб, даволайди.”
Шунингдек, касалхонада таркибида спирт ёки чўчқа мойи бор дори-дармонлардан фойдаланимайди. Айниқса, чўчқа мойидан тайёрланадиган панкриатити бор дори маҳсулотлари ишлатиш – умуман таъқиқланган. Бундан ташқари, тиббий дори воситаларининг барчаси мусулмон давлатларидан келтирилади. Бугунги кунда жумладан: Малайзия, Миср каби мамлакатлар билан шартномалар имзоланган.
Шифохонанинг яна бир хусуссияти -  у ерда махсус намоз ўқиш хонаси ҳам мавжуд. 
Шу билан бирга, Отиров шаҳрида ҳалол “никоҳ агентлиги” иш бошлади. Мусулмонларга муносиб умр йўлдош топиб бериш билан шуғулланадиган ушбу агентликнинг фаолиятлари ҳам фақатгина шариат қонунларига асосланган.

Энг ожиз банда тайёрлади