|
|
Исломий лизинг ширкатлари таъсис этилади |
|
Ислом ҳамкорлиги ташкилотига аъзо мамлакатлар учун Исломий лизинг ширкатлари таъсис этилади.
Хусусий тармоқни ривожлантириш Исломий ширкати (ICD), Ислом тараққиёт банкининг хусусий тармоқ ишлари бўйича бўлими (IDB) ва Кореянинг “Колон” ширкати Исломий лизинг ширкатларини таъсис этиш бўйича биргаликда фаолият олиб бориш хусусида келишув ҳужжатини имзолашди.
Исломий халқаро ахборот агентлиги «IINA» хабар беришича, ушбу Исломий лизинг ширкатлари Ислом ҳамкорлиги ташкилотига аъзо 57 та ўлкадаги кичик ва ўрта бизнес билан шуғулланувчи ширкатларни қўллаб –қувватлаш мақсадида таъсис этилади.
Хусусий тармоқни ривожлантириш Исломий ширкатининг бош директори Холид ал-Убудий ва Корея “Колон” ширкатининг бошлиғи Ким Нам Со бу ҳужжатни имзолаб, Исломий ўлкаларда кичик ва ўрта бизнес билан шуғулланувчи ширкатлар ва бошқа муштарийларга лизинг хизматлари ва маҳсулотларини етказиш билан шуғулланиш мажбуриятини ўз зиммаларига олишди. |
