Мазкур китоб Қозоқистонда рўйхатдан ўтган 600 га яқин компанияларнинг  “ҳалол” тамғаси билан таклиф қилинаётган маҳсулот ва хизматлари ҳақида батафсил маълумотларни ўз ичига олган. Бу китобни фақат Қозоқистон Саноат ва Савдо вазирлигининг “Ҳалол” стандартлаш техник қўмитасидан сотиб олса бўлади.

Нега бу маълумотлар пулли эканлигига қўмита раиси Марат Сарсенбаев қуйидлагича жавоб берди: “Бизга давлат маблағ ажратмайди, ўзимизни ўзимиз таъминлаб келамиз. Биз қандай қилиб сизларга текин маълумот беришимиз мумкин? Ахир бу хизмат-ку. Бу бизнинг ишимиз”.
“Ҳалол” саноати Қозоқистонда ўта фаол ривожланиб бормоқда. Озиқ-овқат маҳсулотларидан ташқари махсус хизматлар - меҳмонхоналар, ҳаммомлар ва яқиндан бошлаб ҳалол-тамада хизмати жуда машҳур бўлиб кетди.
Тўғриси баъзи тадбиркор фуқароларимиз, махсус лицензияга эга бўлмай, бундай хизматларни амалга оширмоқда. Қозоқистоннинг “Ҳалол” стандартлаш  қўмитасига кўра, Қозоқистонда ҳалол-тамада хизматини амалга ошириш ҳуқуқи фақат Остонада жойлашган “Алем Стар” ташкилотидагина бор.

tengrinews.kz маълумотлари асосида Абу Муслим тайёрлади.