Сунъий равишда ўстирилган гўшт ва бошқа ҳужайрали технологияларнинг тарқалиши бундай маҳсулотларнинг ҳалоллигига оид жиддий саволларни туғдиради - араб минтақасида гўшт танқислигини тўлдириш учун ҳужайрали технологияларни жорий этиш тарафдорлари диний жиҳатдан консерватив аҳоли қаршилигига дуч келишмоқда.

Сунъий гўшт «пробиркада» ҳайвон ҳужайраларини биотехнология, тўқима муҳандислиги ва синтетик биологиядан фойдаланган ҳолда етиштириш орқали яратилади. Аслида, лабораторияда етиштирилган гўшт ҳеч қачон тирик ҳайвоннинг қисми бўлмайди, шунинг учун унинг ҳалоллиги ҳақида саволлар туғилади.
«Баъзи диндор одамлар бунга қарши. Тўғри сўйилмаган гўштнинг пайдо бўлиши ғояси диний тафаккур ва таълимотга зид бўлиши мумкин ёки унга мос келиши мумкин», - дейди саноат эксперти Седрик Дау.
Ҳозирча сунъий равишда ўстириладиган гўшт мавзусида аниқ ва узил-кесил бир фатво чиқарилмаган - илоҳиётчилар эҳтиёткорлик билан ушбу масала бўйича изоҳ беришдан бош тортишди, - деб ёзади IslamNews сайти Arabian Business га ҳавола қилган ҳолда.
«Пробирка гўшти» нинг йирик инвестори, шаҳзода Холид бин Алвалид бин Талал, ислом олими бўлмаган ҳолда, бундай маҳсулот шариатга риоя қилиш билан боғлиқ муаммоларга дуч келмайди деб ҳисоблайди. – «Оддий гўштни сўйишдан олдин «бисмиллоҳ»ни айтиш керак. Ҳужайралар намунасини олишдан олдин ҳам худди шу нарсани айтишингиз мумкин», - деб таъкидлайди шаҳзода.
Нима бўлганда ҳам, Мисрнинг Ал-Азҳар ва Амирлик Фатво бўйича бошқаруви тарафидан сунъий гўштларга рухсат берадиган ёки тақиқлайдиган фатво ҳали чиқарилмаган.