Чўчқа тукидан тайёрланган чўтка ишлаб чиқариш жараёнида у бир нечта босқичли ишлов жараёнларидан ўтади: тозалаш, дезинфекциялаш, оқартириш, кесиш, ишлов бериш ва юмшатиш. Шунинг учун уларни синтетик чўткалардан ажратиш қийин бўлиши мумкин. Шу сабабли, чўчқа тукидан тайёрланган тиш чўткасини аниқлаш учун қуйидаги жиҳатларга эътибор беринг:

Материал тавсифи
Агар қопламасида «natural bristles» (табиий тўқим) ёки «boar bristles» (чўчқа туки/табиий хўруж тўқим) деган ёзувлар бўлса, бу чўчқа тукидан ясалганлигини англатиши мумкин. Табиий тўқим деб аталса ҳам, бу чўчқа туки бўлиши эҳтимолдан ҳоли эмас.

Ранги ва тузилиши
Табиий тўқимлар, айниқса чўчқа туки, кўпинча сариқ ёки оқарган рангда бўлади. Уларнинг тузилиши бир хил эмас ва учлари иккига бўлинган бўлади.

Ҳид
Чўчқа тукидан тайёрланган чўткаларда табиий ҳайвон ҳиди бўлади, айниқса чўткани намлаб кўрганда ҳид чиқиши мумкин. Синтетик чўткаларда эса бундай ҳид бўлмайди.

Нархи
Чўчқа тукидан тайёрланган табиий чўткалар одатда синтетик чўткаларга қараганда қиммат бўлади.

Сотувчи ёки ишлаб чиқарувчидан сўраш
Агар аниқ ишончингиз бўлмаса, сотувчи ёки ишлаб чиқарувчидан сўраб, маълумот олишингиз мумкин. Шу каби жиҳатларга эътибор берган ҳолда, тиш чўткасини харид қилишни тавсия қиламиз.

Қозоқ тилидан Абу Муслим тайёрлади