Мажусий (оташпарст)лар томонидан сўйилган хайвонлар хақида Ислом уламолари ихтилоф этганлар. Аксарият уламолар мажусийлар сўйган хайвонларни ейишликни ножоиз деб билиб таъқиқлаганлар. Чунки улар мушрикдирлар.

Баъзи олимлар эса ҳалол деб билганлар. Чунки пайғамбаримиз саллоллоҳу алайҳи васаллам; "Аҳли китобга қандай муносабатда бўлсангиз уларга хам шундай муомала қилинг" деганлар.
Имом Бухорий ва бошқаларнинг ривоят қилишича Расулуллоҳ саллоллоҳу алайҳи васаллам Ҳожар мажусийлари келтирган жизияни қабул қилганлар.
Ибн Ҳазм бу хусусда шундай дейди: "Улар аҳли китобдир, шунинг учун ҳар ҳолда аҳли китоб ҳукмидадирлар".
Имом Абу Ҳанифанинг фикрига кура, собиийлар (юлдузларга ибодат қилганлар) ҳам аҳли китобдан хисобланадилар.

БИР ҚОИДА: БИЛМАГАН НАРСАЛАРНИ СУРИШТИРМАСЛИК

Мусулмон киши билмаган нарсасини излашликка мажбур эмас экас. Масалан: Ажабо, бу ҳайвонни қандай сўйган эканлар? Бутун шартларга амал қилишганмикан ёки йўқми? Сўйилаётганда Аллоҳ исми зикр қилиндими қилинмадими?, сингари саволлар билан шубҳага берилишнинг ҳожати йўқ. Чунки фосиқ бўлса хам мусулмон ёхуд ахли китобдан бир киши сўйган хайвоннинг гўштини ейишлик халолдир.
Юқорида Имом Бухорий ривоят қилган бир ҳадисни эслатиб ўтган эдик: Бир гуруҳ мусулмонлар ўзларига гўшт келтирганини, аммо унинг устида Аллоҳ номи тилга олинганми, йўқми, буни билмаганларини Расулуллоҳ саллоллоҳу алайҳи васалламга билдирганларида пайғамбаримиз саллоллоҳу алайҳи васаллам; "Сиз Аллоҳ таоло исмини зикр қилган ҳолда еяверинг" деганларини биламиз.
Уламолар мазкур хадис хусусида шундай деганлар: "Бу бутун феъл ва харакатларни сиххат ва саломат ҳолати доирасида қабул қилишликнинг далилидир. Бу масалада фасод ва бузғунчиликка доир бир далил мавжуд бўлса, у холда аввалги ҳукмлар ўзгаради".

Юсуф Қаразовий "Исломда ҳалол ва ҳаром" китобидан
Абу Муслим тайёрлади