“Ҳалол” сўзи (арабчадан ал-ҳалол - жоиз, қонуний, руҳсат берилган) мусулмонлар томонидан истеъмол қилиш ва фойдаланишга, шу жумладан озиқ-овқат сифатида ишлатишга рухсат берилган нарсаларни англатади. Биз ҳайратланарли даврда яшаяпмиз ва “ўйламасдан истеъмол қилиш даври” дан табиий ва фойдали истеъмол даврига ўтишни гувоҳи бўлмоқдамиз.

Бугунги кунда “ҳалол” атамаси сифат ва экологик тозалик синонимидир. Шунинг учун озиқ-овқат саноати – ҳалол саноатининг “юраги” – инқироз даврида ҳам ривожланади, чунки "ҳалол маҳсулотлар" таърифи маҳсулотнинг замонавий экологик талабларга жавоб беришини таъминлайди: сабзавотларда нитратлар, гўшт маҳсулотларида – консерогенлар ва генетик жиҳатдан модификацияланган ингредиентлар бўлмаслиги, ёгурт ва творогларда – консервантлар, таъм ва рангни сунъий кучайтирувчилари бўлмаслиги керак.
Бироқ, замонавий дунёда “ҳалол” таърифи нафақат озиқ-овқат маҳсулотларига, балки косметика, хизмат кўрсатиш, меҳмонхона, ресторан ва сайёҳлик бизнесига, барча диний талабларни бузмайдиган, шунингдек соғлом турмуш тарзини назарда тутадиган барча нарсаларга тегишлидир.
Сўнгги йилларда ҳалол маҳсулотлар мусулмон аҳолининг кўпайиши туфайли бозор механизмининг элементига айланди, шу туфайли ғарб корпорациялари ушбу товарларни жаҳон миқёсида ишлаб чиқаришни бошладилар. Жаҳон бозоридаги муҳим кучли ҳаракатлантирувчи куч сифатида ҳалол маҳсулотлар, албатта, узоқ муддатли ривожланиш истиқболларига эга.

ИҲТ (Ислом ҳамкорлик ташкилоти) ҳисоботларига кўра, ҳалол маҳсулотлар жаҳон бозорида 2,3 триллион АҚШ долларига баҳоланмоқда. Ушбу сегментда озиқ-овқат маҳсулотлари тахминан 67%, фармацевтика бозори - тахминан 22% ва яна 11% - косметика ва парфюмерия бозорини ташкил қилади.

Шундай қилиб, юқори талаб жаҳон бозорида ҳалол ишлаб чиқаришнинг жадал ривожланишини рағбатлантиради. Демак, ҳалол озиқ-овқат бозорининг потентсиал ҳажми бутун дунё истеъмолининг 17 фоизини ташкил қилади. Ҳалол маҳсулотларнинг асосий истеъмолчилари иқтисодиёти юқори даражада ривожланган мамлакатлардир:

ИҲТ ҳисоботига кўра, 2016 йилда бутун дунё мусулмонлари озиқ-овқат учун 1,173 миллион доллардан кўпроқ маблағ сарфляган, Хитой - 854 миллион доллар, АҚШ - 771 миллион доллар, Япония - 380 миллион доллар, Ҳиндистон - 341 миллион АҚШ доллари, Россия - 316 миллион АҚШ доллари сарфланган.

Таъкидлаш жоизки, мусулмон давлатлари ҳар йили гўшт ва гўшт маҳсулотларининг 18,9 фоизини, шунингдек, сабзавот маҳсулотларининг 47,8 фоизини импорт қиладилар.
Дунё мусулмон аҳолиси 1,7 миллиард кишини, яъни дунё аҳолисининг тахминан 24 фоизини ташкил қилади. 2030 йилга келиб мусулмонлар сони 2,2 миллиардга яқинлашиши кутилмоқда. Бинобарин, мусулмон мамлакатларида озиқ-овқат истеъмол қилиш кўрсаткичлари (айниқса гўшт) дунё ўртача кўрсаткичидан анча тез ўсади.
Иқтисодий муаммолар, жумладан, санктсиялар ва уларнинг оқибатларига қарамай, ҳалол бизнес бутун дунё бўйлаб кучли ва юқори суръатларда ўсмоқда. Бу шундан далолат бермоқдаки, ҳалол товар ва хизматлари дунё бозорини ҳайратга солишда давом этади.  
Шундай қилиб, сўнгги йилларда ҳалол косметик воситаларининг машҳурлиги тобора ўсиб бормоқда, уларнинг мақсади инсоннинг ташқи қиёфасини сақлаб қолиш ва унга зарар этказмасликдир.
Ҳайвон ёғлари, алкогол, желатин, глицерин, палма ва олеин кислоталари, араматизаторлар ва бўёқ моддаларининг йўқлиги, шунингдек, ҳалол косметик воситаларни ҳайвонларда синамаслик бу маҳсулотларни нафақат мусулмонларда балки вегетарианлар орасида ҳам оммалашувига олиб келмоқда. Бу ўз соғлиғига ғамхўрлик қиладиган замонавий истеъмолчи танловига таъсир ўтказадиган мезондир. Ҳалол косметикадан фойдаланиш бўйича дунёнинг топ 10 мамлакатлари:

Умуман олганда, 2016 йилда мусулмонлар бозори косметика ва шахсий парвариш маҳсулотларига 56 миллиард АҚШ долларидан кўпроқ маблағ сарфляган, бу жаҳон бозоридаги айланманинг 7,4 фоизини ташкил этади. Шу билан бирга, Америка Қўшма Штатлари - 84 миллиард, Япония - 80 миллиард, Хитой - 63 миллиард, Ҳиндистон - 46 миллиард, Германия - 40 миллиард сарфляган.

Сертификатланадиган маҳсулот ва хизматлар:

Ҳалол сертификатлаш асосан озиқ-овқат маҳсулотлари, шунингдек косметика, маиший кимё ва баъзи турдаги хизматларга тегишли:

“Ҳалол” белгиси нима?

“Ҳалол” белгиси бутун дунё бўйича универсал маркировка бўлиб, ишлаб чиқарувчининг ҳалол сертификатидан ўтган маҳсулотини қадоқлашда қўлланиладиган ва маҳсулот сифати, унинг барча зарур талаб ва стандартларга мувофиқлигини бевосита тасдиқловчи белги.
Сир эмаски, Ҳалол халқаро бренд сифатида ишлатиладиган сифат белгисидир. Шу сабабли, тобора кўпроқ ишлаб чиқарувчилар ўзларининг хизматлари ва маҳсулотлари учун ушбу белгини олишга интилишмоқда.
Зеро, Ҳалол белгиси шунчаки ёрлиқ эмас, бу соғлиқ ва инсон ҳаёти хавфсизлиги, сифати ва ишончлилигини таъминлайдиган бутун саноатдир.

“Ҳалол сертификати” нима?

Сертификатлаштириш – бу  учинчи шахс томонидан бериладиган ҳалол талабларига мувофиқ хом ашё, қўшимчалар, зираворлар, ишлаб чиқарилган маҳсулотлар, ишлаб чиқариш бинолари, фойдаланилган воситалар, бизнес, кўрсатилаётган хизматлар ва бошқаларнинг мувофиқлигини ҳужжатли тасдиқлаш бўлиб, компаниянинг меёрий ҳужжатларида кўрсатилади. Тасдиқлаш ариза берувчининг ташаббуси билан сертификатлаштирувчи орган билан тузилган шартнома асосида амалга оширилади.
Ҳалол бозорининг тезроқ ривожланишига тўсқинлик қиладиган асосий муаммолардан бири бу ягона дунё озиқ-овқат стандартларининг етишмаслиги. Дарҳақиқат, ҳар бир мамлакатда ўзининг сертификатлаштирувчи ташкилоти мавжуд бўлиб, у Ҳалол сертификатига ўз талабларини қўяди ва сертификатнинг амал қилиш муддатини қатъий кўрсатади, бу қўшимча харажатларга олиб келади ва халқаро савдо имкониятларини камайтиради.
Айни пайтда дунёда 120 дан ортиқ  Ҳалол ихтиёрий сертификатлаштириш идоралари фаолият кўрсатмоқда. Шуни таъкидлаш керакки, битта мамлакатда Ҳалол сертификатини берадиган бир нечта расмий ваколатли органлар бўлиши мумкин ва, одатда, энг ваколатли шахслар Мусулмонлар Диний Бошқармаси ҳузурида ишлайди. Шундай қилиб, Россияда бу Россия Муфтилар Кенгаши ҳузуридаги Халқаро марказ, Белгияда - ЭуроҲалал сертификатлаш маркази, Германияда - М-ҳадитеc ГмбҲ сертификатлаштириш маркази, Данияда - Ислом маданияти маркази, Белорусияда эса "БелҲалал" МЧЖ мавжуд бўлиб, у Белорусия мусулмонлари диний бирлашмаси билан биргаликда ишлайди.
Ҳалол маҳсулотлар бозори асосан Форс кўрфази мамлакатларини қамраб олганлигдан келиб чиқиб, Бирлашган Араб Амирликларида стандартлаштириш ва метрология агентлиги - ЭСМА фаолият юритмоқда, у ушбу мамлакатлар учун Ҳалол сифат стандартини олишнинг ягона тартибини белгилаб қўйган. ЭСМА номидан Ҳалол сертификатини ўтказишга ваколатли орган РАCС маҳсулот сифатини мувофиқлигини баҳолаш бўйича аккредитациядан ўтган эксперт агентлиги ҳисобланади.
Шундай қилиб, ҳар қандай давлат сертификатлаштириш органи томонидан берилган Ҳалол сертификати маълум бир мамлакатда қабул қилинган стандартларга асосланади ва маълум бир минтақада маҳсулот ва ишлаб чиқаришга қўйиладиган талабларга мувофиқлигини тасдиқлайди.

Ҳалол сертификатини қандай олиш мумкин?

Амирликларнинг РАCС эксперт агентлиги ва Россия муфтийлари кенгашининг ҳалол стандартлаштириш ва сертификатлаштириш халқаро маркази томонидан берилган Ҳалол сертификати – Белоруссия ишлаб чиқарувчиларига нафақат дунёнинг 57 мамлакатига – Ислом Ҳамкорлик Ташкилоти аъзоларига, Европа Иттифоқининг барча давлатларига ҳамда АҚШга экспорт қилиш учун кенг имкониятларни яратади. Бундан ташқари, агар компаниялар манфаатдор бўлса, улар Малайзия, Индонезия ва Сингапур каби мамлакатлар бозорларига чиқиш имкониятига эга. Россия муфтийлари кенгашининг ҳалол халқаро стандартлаштириш ва сертификатлаштириш маркази томонидан берилган Ҳалол сертификати Белоруссия маҳсулотларини мусулмон дунёсининг барча мамлакатларига тез ва арзон экспорт қилиш имконини беради.
Маҳсулотларни / ишлаб чиқаришни Ҳалол стандартлари талабларига мувофиқлигини сертификатлаш тартиби бўйича маълумотни линк орқали олишингиз мумкин.
РАCС билан сертификатлашнинг афзалликлари:

•    ИҲТ ва Эвропа Иттифоқи мамлакатларига, шунингдек АҚШ, Малайзия, Индонезия, Сингапурга маҳсулот этказиб бериш имконияти;
•    шартнома бўйича қўшимча яширин комиссияларнинг йўқлиги, шаффоф сертификатлаш тартиби;
•    маҳсулот сотиш бўйича РАCСга хорижий шерикларни топишда ёрдам бериш.