Дунёда биринчи марта экспорт-импорт банки сукук ишлаб чиқарди. Исломий облигациялар бозоридаги экспорт-импорт банклари орасида энг дастлабкиси Малайзиянинг MEXIM (Export-Import Bank of Malaysia) банки бўлди. Мазкур банк 5 йил ичида тўлаш шарти билан, 300 миллион АҚШ доллари миқдорида сукук жорий қилди. Исломий бондлар мазкур банк ва EXIM Sukuk Malaysia компанияси кўмагида кенг кўламли дастур ишлаб чиқиб, 1 миллиард доллар миқдорида сукук жорий қилди.

MEXIMнинг баёнотида айтилишича, сукукга нисбатан инвесторлар томонидан қаттиқ талаб ва таклиф бўлгани боис бир кунлик муддатга йўлга қўйилган эди. Аммо, кейинчалик таклифлар ниҳоятда кўпайиб, деярли 10 баравар ошиб кетди ва экспорт-импорт банкига сукук бўйича тушган талабномалар ҳажми тахминан 1 миллиард долларни ташкил қилди.

Сукукларга 185 та исломий ва исломий бўлмаган инвесторлар эга бўлдилар. Уларнинг 19 фоизи Яқин Шарққа, 65 фоизи Осиёга, 16 фоизи эса Оврўпа давлатларига юборилди.

Ушбу сукукни чиқаришда маслаҳатчи ва ташкилотчи бўлган банклар сирасига қуйидагиларни киритишимиз мумкин:

BNP Paribas Malaysia, CIMB Investment Bank, HSBC Amanah Malaysia ҳамда Maybank Investment Bank.

P.S.

* Сукук – (араб тилидан. صكوك‎‎ - «ҳуқуқий ҳужжат, далолатнома, расмий ҳужжат»)
Сукук – шариат давлатларида кенг тарқалган молиявий ҳужжат. Бошқача айтадиган бўлсак: облигациянинг Исломий эквиваленти (тенг қийматлиси).
* Эмитент – қимматбаҳо қоғозлар ва қоғоз пул чиқариш ҳуқуқига эга бўлган давлат, банк ёки идора.

Энг ожиз банда тайёрлади