Италиядаги ҳалол маҳсулотлар билан таъминловчи биринчи – “Tre Alfieri Halal”  компанияси озиқ-овқат маркази сифатида танилган Болония шаҳрида ўз фаолиятини бошлади. Ислом тамойилларига мувофиқ тайёрланган таомлар бу ердан нафақат Италиянинг кафе ва ресторанларига, балки бошқа Оврупа давлатларига ҳам етказилади.

“Мослашув (интеграция) - турли нарсалардан ташқари шунингдек тўғри овқатланиш ҳамда Худонинг розилигини топиш имкониятидир”, - деди «Adnkronos International» компаниясининг директори Ҳамза Пикардо.
У айтдики: “Ўз фаолиятимиз билан биз мослашув тантанасини намойиш қилишни, ажойиб италян пазандачилигини Ислом қоидалари билан уйғунлаштиришни, айни пайтда биринчисининг лаззатини, иккинчисининг маънавий кучини йўқотмасликни истаймиз”.